Allir með leikarnir er hluti af verkefninu Allir með sem gengur út á að fjölga tækifærum fyrir börn með fatlanir í íþróttum. Markmið með leikunum er að kynna íþróttir fyrir þessum hópi og um leið að gera verkefnið sýnilegra í samfélaginu.
Leikarnir fara fram laugardaginn 9. nóvember bæði í Laugardalshöllinni og fimleikasal Ármanns og eru öll börn með fatlanir velkomin.
Íþróttaálfurinn mætir á svæðið. Allir þátttakendur fá brúsa merktan leikunum og boðið verður upp á pitsuveislu í hádeginu þar sem einnig verða kynningar á öðrum íþróttagreinum. Deginum líkur svo með dúndrandi diskói.
Öll fjölskyldan er velkomin með.
Þáttökugjald á leikana 1.500 kr, skráning fer fram hér
Leikarnir eru samstarfsverkefni og þeir aðilar sem koma að framkvæmd þess eru: Íþrótta-og Ólympíusamband Íslands, Ungmennafélag Íslands, Knattspyrnusamband Íslands, Handboltasamband Íslands, Körfuknattleikssamband Íslands, Fimleikasamband Íslands, Frjálsíþróttasamband Íslands og Íþróttasamband fatlaðra.
