Reykjavíkurmaraþon Íslandsbanka fer fram á laugardaginn 18.ágúst 2018. Í tilefni af 35 ára afmæli hlaupsins verður boðið uppá fimm áhugaverða fyrirlestra. Fyrirlestrarnir verða fluttir í Laugardalshöllinni 16.-17.ágúst og eru hluti af skráningarhátíð hlaupsins og stórsýningunni FIT & RUN 2018.
Á meðal fyrirlesara er Ólympíufari í maraþoni kvenna, sigurvegari í Boston maraþoninu og Christofer Koch, fatlaður ævintýramaður sem fæddist með enga fætur og aðeins hluta af handleggjum en lætur það ekki stoppa sig í að taka þátt í maraþonum og ferðast um heiminn.
Skráningarhátíðin og fyrirlestrarnir eru opnir öllum áhugasömum á meðan húsrúm leyfir, ekkert þátttökugjald. Á sama tíma er hægt að skrá sig í hlaupið en þó er mælt með að gera það fyrir klukkan 13 á fimmtudag á vefnum því þá er þátttökugjald 20% lægra.
Nánar um skráningarhátíð og fyrirlestra hér: https://www.rmi.is/skraningarhatid
Skráning í hlaupið: https://www.rmi.is/skraning-i-hlaupid
