Félagar úr Kiwanisklúbbi Heklu heimsóttu skrifstofur Íþróttasambands fatlaðra á dögunum og komu þar færandi hendi með styrk til handa sambandinu. Ólafur Magnússon framkvæmdastjóri fjármála- og afrekssviðs tók við styrknum frá Heklumönnum fyrir hönd Íþróttasambands fatlaðra.
Heklumenn eru jafnan þekktir sem vorboðinn ljúfi hér í Laugardal, þ.e. heimsókn þeirra hefur jafnan borið upp með hækkandi sól. Að þessu sinni voru félagsmenn fyrr á ferðinni en vanalega og báru fyrir sig vilja til þess að hin árlega heimsókn hefði mögulega einhver áhrif á lundarfar veðurguðanna.
Íþróttasamband fatlaðra vill koma á framfæri innilegu til handa Kiwanisklúbbi Heklu en Hekla hefur um árabil stutt dyggilega við starfsemi sambandsins.
Mynd/ Frá heimsókn Heklu á skrifstofur ÍF í Laugardal.
