Akur átti góðu gengi að fagna á Íslandsmótinu í borðtennis sem fram fór á Akureyri um helgina. Viðeigandi þar sem félagið fagnar 40 ára afmæli sínu á þessu ári. Liðsmenn Akurs unnu til fjögurra gullverðlauna í einstaklingskeppninni og þá var annar sigurvegarinn úr tvíliðaleiknum einnig frá Akri. Lengi lifir í gömlum glæðum en refirnir og reynsluboltarnir þeir Elvar Thorarensen og Jón Heiðar Jónsson tóku báðir þátt í mótinu. Jón Heiðar hafði sigur í sitjandi flokki karla en Elvar var sigurvegari í bæði standandi flokki karla sem og í opnum flokki. Þess má einnig geta að Jón Heiðar er einnig stjórnarmaður hjá Íþróttasambandi fatlaðra.
Þá vann ÍFR til tveggja gullverðlauna þar sem Hákon Atli Bjarkason hafði sigur í tvíliðaleik með Jóni Heiðari frá Akri og Guðmundur Hafsteinsson frá ÍFR hafði sigur í flokki þroskahamlaðra.
Borðtennis Íslandsmót:
Tvíliðaleikur:
1. sæti. Hákon Atli Bjarkason ÍFR / Jón Heiðar Jónsson Akur
2. sæti. Kolbeinn Jóhann Pétursson Akur / Stefán Thorarensen Akur
3. sæti. Baldur Jóhannesson ÍFR / Guðmundur Hafsteinsson ÍFR
4. sæti. Inga Hanna Jóhannesdóttir ÍFR / Sigurður Andri Sigurðsson ÍFR
Konur:
1. sæti Guðrún Ólafsdóttir Akur
2. sæti. Inga Hanna Jóhannesdóttir ÍFR
3. sæti. Bjarney Guðrún Jónsdóttir Akur
Standandi karlar:
1. sæti. Elvar Thorarensen Akur
2. sæti. Kolbeinn Jóhann Pétursson Akur
3. sæti. Baldur Jóhannesson ÍFR
Sitjandi flokkur:
1. sæti. Jón Heiðar Jónsson Akur
2. sæti. Hákon Atli Bjarkason ÍFR
3. sæti. Bjarney Guðrún Jónsdóttir Akur
Þroskahamlaðir:
1. sæti. Guðmundur Hafsteinsson ÍFR
2. sæti. Stefán Thorarensen Akur
3. sæti. Sigurður Andri Sigurðsson ÍFR
Opinn flokkur:
1. sæti Elvar Thorarensen Akur
2. sæti. Jón Heiðar Jónsson Akur
3. sæti. Hákon Atli Bjarkason ÍFR
Mynd/ Jón Heiðar ásamt dóttur sinni Bjarneyju Guðrúnu sem hafnaði í 3. sæti í sitjandi flokki. Jón Heiðar hefur marga fjöruna sopið í borðtennis en Bjarney var að keppa á sínu fyrsta móti.
