Arnar Helgi Lárusson hefur lokið keppni á Heimsmeistaramóti fatlaðra í frjálsum sem nú stendur yfir í Lyon í Frakklandi. Arnar Helgi keppti í undanrásum í 100m. spretti í morgun og komst ekki í úrslit en hann kom í mark á tímanum 19,43 sek. Besti tími Arnars í greininni er 19,01 sek. sem hann náði á opna þýska meistaramótinu fyrr í sumar.
Arnar kemur því heim með eitt Íslandsmet í farteskinu í 200m spretti en hann var nokkuð sáttur við sinn hlut í dag og kvaðst reynslunni ríkari eftir heimsmeistaramótið. Hann sagðist enn vera að vinna í stillingum á legunni í stólnum og að bæta eigin færni í sprettinum. Næst á dagskránni er að keyra nokkrar lengri vegalengdir í haust og taka þátt í Reykjavíkurmaraþoninu.
Helgi Sveinsson keppir svo í spjótkasti síðar í dag eða kl. 16:12 en eins og áður hefur komið fram er mótið í beinni netútsendingu á Youtube hjá IPC.
