Styrktar brunch til heiðurs og styrktar Íþróttsambandi fatlaðra sem haldinn var laugardaginn 29. september í Bláa Lóninu var afar vel heppnaður. Fjöldi gesta lagði leið sína í Bláa Lónið til að heiðra íþróttafólkið sem náði einstaklega góðum árangri á Ólympíumóti fatlaðra í London. Gestir nutu góðra veitinga og söngkonan Bríet Sunna koma fram.Sveinn Áki Lúðvíksson, formaður stjórnar Íþróttasambands fatlaðra, sagði við þetta tækifæri að það væri ánægjulegt og hvetjandi fyrir sambandið og íþróttafólkið að sjá hversu margir hefðu lagt leið sína í Bláa Lónið. „Samstarf við þekkt vörumerki eins og Blue Lagoon er einnig mikilvægt fyrir okkur þar sem það vekur athygli á Íþróttasambandi fatlaðra.“
Grímur Sæmundsen, forstjóri Bláa Lónsins, sagði við þetta tækifæri: „Við hjá Bláa Lóninu erum mjög stolt af því að vera samstarfsaðili Íþróttasambands fatlaðra. En Bláa Lónið og Íþróttasamband fatlaðra hafa gert með sér samstarfssamning sem gildir fram yfir Ólympíumótið í Ríó, 2016.
Þetta unga íþrótta-og afreksfólk er jafnframt mikilvægar fyrirmyndir fyrir okkur öll, hvert og eitt þeirra náði einstökum árangri í sinni grein. Öll settu þau Íslandsmet og Jón Margeir kom heim með gullverðlaun auk þess að setja heimsmet,“ sagði Grímur.
Mynd/ Ellert Grétarsson
