Þó íslensku keppendurnir fái frí í dag verður engu að síður mikið um að vera hér í London á Ólympíumóti fatlaðra. Þegar hafa 11 Ólympíumótsmet og 11 heimsmet fallið og 16 af 21 grein á mótinu er komin í gang.Í dag er m.a. fyrsta umferð í 200m hlaupinu í flokki T44 en þar keppir Oscar Pistorius og því má búast við því að Ólympíuleikvangurinn verði kjaftfullur en mikill áhugi er fyrir Oscari hér ytra.
Dagskrá dagsins má nálgast hér
Íslenski hópurinn fær svo góða heimsókn í dag en Guðbjartur Hannesson velferðarráðherra er væntanlegur í Ólympíumótsþorpið.
Mynd/ Guðbjartur Hannesson og eiginkona hans Sigrún Ásmundsdóttir á tali við Kára Jónsson landsliðsþjálfara ÍF í frjálsum.
