Vaskur 19 manna hópur frá Íslandi hélt til Finnlands snemma í gær til þess að taka þátt í Norræna barna- og unglingamótinu. Mótið fer fram í Pajulahti sem er í rétt rúmlega 100 km. fjarlægð frá höfuðborginni Helsinki.
Gærdagurinn fór mestmegnis í ferðalagið sjálft og hópurinn fékk sér gönguferð um svæðið þar sem hann dvelur næstu vikuna en í dag hefjast æfingar og von á fleiri tíðindum af hópnum á næstu dögum.
Mynd/ Keppendahópurinn í Flugstöð Leifs Eiríkssonar í gærmorgun.
