Andlit Össurar, hlaupagarpurinn Oscar Pistorius, byrjar með látum á Heimsmeistaramóti fatlaðra í frjálsum íþróttum sem nú fer fram í Christchurch á Nýja-Sjálandi. Um helgina keppti Oscar í 200m hlaupi í flokki T44 og vann þar örugglega til gullverðlauna.
Oscar hljóp á tímanum 21,80 sek. en Jerome Singleton frá Bandaríkjunum tók silfrið á tímanum 22,77 sek. Oscar sem er frá Suður-Afríku átti samlanda á palli því Arnu Fourie hafnaði í 3. sæti á tímanum 22,82 sek.
Glæsileg byrjun á mótinu hjá Oscari Pistorius og ljóst að hann á eftir að láta meira að sér kveða á mótinu og virðist í fantaformi.
Hægt er að fylgjast vel með framvindu mála á HM fatlaðra í frjálsum á www.paralympic.org
