Flokka- og bikarmót Íþróttasambands fatlaðra í sundi fer fram dagana 20.-21. maí næstkomandi. Mótið verður í 50m laug en keppt verður í Laugardalalsug í Reykjavík. Öll félög innan Íþróttasambands fatlaðra hafa þátttökurétt á mótinu. Lið samanstendur af iðkendum / félagsmönnum sama félags
Dagskrá mótsins er eftirfarandi:
Laugardagur Upphitun kl. 14:00 Mót kl: 15:00
1. grein 200 m frjáls aðferð kvk 2. grein 200 m frjáls aðferð kk
3. grein 50 m flugsund kvk 4. grein 50 m flugsund kk
5. grein 50 m bringusund kvk 6. grein 50 m bringusund kk
7. grein 100 m baksund kvk 8. grein 100 m baksund kk
9. grein 150 m þrísund kvk 10. grein 150 m þrísund kk
11. grein 200 m fjórsund kvk 12. grein 200 m fjórsund kk
13. grein 100 m frjáls aðferð kvk 14. grein 100 m frjáls aðferð kk
Hlé 10 mínútur
15. grein 4*100 m fjórsund kvk 16. grein 4*100 m fjórsund kk
Sunnudagur Upphitun kl. 9:00 Mót kl: 10:00
17. grein 4*100 m frjáls aðferð kk 18. grein 4*100 m frjáls aðferð kvk
19. grein 50 m frjáls aðferð kk 20. grein 50 m frjáls aðferð kvk
21. grein 50 m baksund kk 22. grein 50 m baksund kvk
23. grein 100 m flugsund kk 24. grein 100 m flugsund kvk
25. grein 100 m bringusund kk 26. grein 100 m bringusund kvk
27. grein 400 m frjáls aðferð kk 28. grein 400 m frjáls aðferð kvk
Hlé 10 mínútur
29. grein 4*50 m frjáls aðferð blandað
Boðsund
Allir meðlimir boðsundssveitarinnar verða að vera frá sama félagi skráðir inn á mótið.
Met fást ekki staðfest nema niðurröðin í sveitir sé samkvæmt reglum IPC um niðurröðun boðsund. Boðsundseyðublöðum þarf að skila inn hálftíma fyrir viðkomandi keppnishluta.
Verðlaun.
Keppendum er raðað í greinar eftir tímum óháð fötlunarflokkum. Verðlaun verða þó veitt eftir fötlunarflokkum og hlýtur viðkomandi sæmdarheitið „Flokkameistari í flokki S?“. (Ekki eru veitt verðlaun fyrir annað og þriðja sætið)
Veitt verða verðlaun í flokkum:
S1-S10 Hreyfihamlaðir
S11-S13 Blindir og sjónskertir
S14 Þroskahamlaðir
S15 Einhverfir (Virtus)
S16 Down Syndrom
S18 Heyrnaskertir
Það félag sem er stigahæst í einstaklingsgreinum hlýtur sæmdarheitið „Bikarmeistari ÍF í sundi“. Stig eru veitt fyrir 10 efstu sætin í hverjum flokki, 1. sæti 12 stig, 2.sæti 10 stig, 3. sæti 8 stig og svo 7,6,5,4,3,2,1
Sundnefnd ÍF minnir á að félög þurfa að útvega starfsmenn í hlutfalli við fjölda skráninga. Sjá reglu 1.5 í sundreglum ÍF.
Mynd með frétt: Davíð Eldur - Róbert Ísak Jónsson í flugsundi á ÍM50 2023
