Íslandsmót Íþróttasambands fatlaðra í sundi í 25m laug fór fram í Hafnafirði síðastliðna helgi. Mótið fór fram samhliða ÍM25 hjá Sundsambandi Íslands. Alls féllu fimm ný Íslandsmet á mótinu og eitt þeirra setti sundmaðurinn Már Gunnarsson frá ÍBR/Nes á sjálfan 17 ára afmælisdaginn sinn en Már keppir í flokki sjónskertra/blindra (S12).
Fjögur metanna komu úr ranni sundmanna ÍFR þar sem Thelma Björg Björnsdóttir setti tvö ný met, Sandra Sif Gunnarsdóttir eitt og blönduð boðsundsveit ÍFR setti einnig met í 4x50m frjálsri aðferð þar sem Kristín Rós Hákonardóttir lét til skarar skríða en þess má geta að með henni í sveit var efnileg sundkona sem heitir Heiður Egilsdóttir en hún og Kristín Rós eru náskyldar.
Íþróttasamband fatlaðra vill koma á framfæri innilegu þakklæti til þeirra er störfuðu við mótið.
Íslandsmet helgarinnar:
Már Gunnarsson S12 400 skriðsund 4:57,08 19/11/16
Thelma Björg Björnsdóttir SB5 100 bringusund 1:54,01 19/11/16
Thelma Björg Björnsdóttir SB5 50 bringusund 0:53,74 20/11/16
Sandra Sif Gunnarssóttir S13 100 fjórsund 1:30,78 20/11/16
ÍFR - Blandað max 34 stig 4*50 frjáls aðferð 2:47,24 20/11/16
Vignir Gunnar Hauksson S7 / Guðmundur H. Hermannsson S9/ Kristín Rós Hákonardóttir S7 / Heiður Egilsdóttir S8
Myndir/ ÍF - Efri mynd er afmælisbarnið og Íslandsmethafinn Már Gunnarsson en á þeirri neðri er blönduð boðsundssveit ÍFR.
